បាលី៖ លោក ស៊ី ជីនពីង បានស្តីបន្ទោសនាយករដ្ឋមន្ត្រីកាណាដា លោក Justin Trudeau យ៉ាងខ្លាំង បន្ទាប់ពីលោក Justin បានចែករំលែកព័ត៌មានលម្អិតនៃកិច្ចប្រជុំដោយបង្ហាញពីទំនាក់ទំនងដែលគ្មានភាពកក់ក្ដៅរវាងមេដឹកនាំទាំងពីរ។

នៅក្នុងវីដេអូឃ្លីបដែលថតដោយប្រព័ន្ធផ្សព្វផ្សាយនៅឯកិច្ចប្រជុំកំពូល G20 នៅប្រទេសឥណ្ឌូនេស៊ី លោក Xi មានការខកចិត្ត និងបានទាញនាយករដ្ឋមន្ត្រីកាណាដាមកក្រៅហើយនិយាយថា វា «មិនសមរម្យ» ដែលបានចែករំលែកព័ត៌មានលម្អិតអំពីការសន្ទនារវាងមេដឹកនាំទាំងពីរជាមួយប្រព័ន្ធផ្សព្វផ្សាយ។ លោក ស៊ី ថាលោក Trudeau ខ្វះ «ភាពស្មោះត្រង់»។

លោក Xi បាននិយាយទៅកាន់ Trudeau តាមរយៈអ្នកបកប្រែថា៖ «អ្វីគ្រប់យ៉ាងដែលយើងពិភាក្សាត្រូវបានបែកធ្លាយលើក្រដាស វាមិនសមរម្យទេ។ […] ហើយនោះមិនមែនជារបៀបដែលការសន្ទនាត្រូវបានធ្វើនោះទេ»។

កាលពីថ្ងៃទី១៥ ខែវិច្ឆិកា បន្ទាប់ពីជំនួបជាមួយប្រធានាធិបតីចិនលោក Trudeau បានប្រាប់អ្នកយកព័ត៌មានថាក្នុងជំនួបនោះលោកបានលើកឡើងពីក្ដីបារម្ភពីការដែលសង្ស័យថាចិនបានជ្រៀតជ្រែកកិច្ចការផ្ទៃក្នុងកាណាដា ចាប់តាំងពីមានការបោះឆ្នោតក្នុងឆ្នាំ២០១៩។

ការខឹងសម្បាររបស់លោក Xi កាលពីថ្ងៃពុធ គឺជារឿងដ៏កម្រមួយជាមួយនឹងការបង្ហាញជាសាធារណៈដែលបានប្រាប់ទៅកាណាដាឱ្យមានការប្រុងប្រយ័ត្ន។

ជាការឆ្លើយតប លោក Trudeau បាននិយាយថា នៅក្នុងប្រទេសកាណាដាដោយជឿជាក់លើការសន្ទនាដោយសេរី បើកចំហ និងស្មោះត្រង់។

លោកថា៖ «យើងនឹងបន្តស្វែងរកការងាររួមគ្នាប្រកបដោយការស្ថាបនា ប៉ុន្តែនឹងមានរឿងដែលយើងនឹងមិនយល់ស្រប»។

ដោយកាយវិការដោយដៃរបស់គាត់ លោក Xi បានប្រាប់ Trudeau ថាការសន្ទនាបន្ទាប់ត្រូវតែ «បង្កើតលក្ខខណ្ឌជាមុនសិន»។ អ្នកទាំងពីរបានបញ្ចប់ការសន្ទនារបស់ពួកគេដោយចាប់ដៃគ្នារួចដើរចេញពីទិសដៅផ្ទុយគ្នា ដោយនាយករដ្ឋមន្ត្រីកាណាដាមើលទៅត្រូវបានលោក ស៊ី ប្រដៅពីរបៀបនៃការធ្វើកិច្ចការទូត៕